首頁 arrow 綠色短評 arrow 馬英九講不統不獨不武是啥意思?

馬英九講不統不獨不武是啥意思? PDF Print E-mail
Written by 李南衡   
Friday, 21 May 2010
        五月二十,馬英九就任中華民國總統滿兩年,發表談話重申,無論伊在任猶有兩年還是koh再連任四年,伊be7及中國談判任何有關統一e5問題。而且,佇記者會頂面,伊koh一遍提出「不統、不獨、不武」e5宣示。

 

真濟人認為馬英九總統講chiah-e5話,是behhou7台灣人聽e5,明明是放屁安狗心。事實上若照伊兩年來所做e5,一直向統一e5方向進行,當然有一工自然tioh8會行向「終極統一」。伊急beh及中國簽ECFA就是beh進行經濟統一,台灣e5經濟愈來愈依賴中國,有一工台灣若假仙,中國喝束就束起來,到時台灣叫天天be7應,中國叫台灣徛tioh8、台灣m7敢坐落。啥物政治統一根本都m7免講、m7免談,無統一敢會煞li3

  馬英九競選總統所喝e5啥物「馬上tioh8會好」、啥物「執政攏準備好ah」、啥物「六三三」、啥物「股票上兩萬點」,騙一堆選票hou7伊當選了後,m7 na7無一項做有到,而且是離譜離傷遠。經濟成長率六葩當然做無到,衰kah變作負成長、比0成長koh khah慘!講失業率會落kah chhun三葩,結果煞變作就任兩年半後二0一0年底e5目標是beh拚到五葩以下,煞變作公務員丙等考績e5人數beh拚到三葩!人一下ka7問講那會按呢?伊面攏be7紅,應講he是選舉口號。Che兩年來伊猶原用「口號治國」chitau3步。

        「不統、不獨、不武」是啥意思?有人講che ma7是馬英九治國e5「口號」。總是咱若仔細ka7看,「不統、不獨、不武」並m7是口號,馬英九真正有按呢teh做,確實會hong5驚。不統,事實上伊直直phian5過中國hit旁,嘴講不統事實上是愈來愈統;不獨,表面上那像無beh主張台灣獨立,事實上是無承認台灣是一個主權獨立e5國家;不武,最近馬英九含眠講:咱若及中國簽ECFA,會hou7中國愈來愈大e5壓力tioh8撤掉向台灣e5一千五百外粒發彈。事實上若照中國e5「反分裂法」,台灣若堅持「不統」,中國就會使依「法」動武,中國若對台動武,馬總統就會ka7武器放落來、無beh用武力對抗。甚至有外國記者問講台灣hou7外國侵略,敢會請美國出兵保護台灣?伊應講Never!意思是中國武力威脅、甚至真正拍台灣,但是馬總統絕對be7用武力保護台灣!che就是「不武」。所以,咱就知影,馬英九講「不統」真正e5意思是,表面上無beh講統一,實際上是beh合做一國;「不獨」真正e5意思是,無beh主張台灣是一個主權獨立e5國家,認賊作阿爸作阿公ma7無要緊;「不武」真正e5意思是,無論中國按怎動武,馬總統攏無beh用武力抵抗來保護台灣。

 
< Prev   Next >