首頁 arrow 綠色短評 arrow 中國為啥物反對台灣公投?

中國為啥物反對台灣公投? PDF 列印 E-mail
發表者 李南衡   
2010/06/14, Monday

五月卅一新聞報導中國反對台灣人tehECFA公投。in反對e5理由一大堆,上好笑e5理由是,中國不滿台灣公投會變作習慣。In知影一項代誌若變作習慣,習慣tioh8會變作自然,那像食飯、行路、吸空氣變作生活e5一部分。

公民投票簡稱公投,意思是全民公決。民主國家e5行政首長kap立法e5國會議員,攏是由人民選出來e5Ti7 in e5任期內,若是有人民家己認為真重要有爭議性e5政策抑是議案,無得tioh8行政單位kap立法機構e5認同,人民無一定tioh8激烈採取罷免e5手段,人民會使提出公投,由全民來決定。這是民主國家人民除了選舉、罷免以外,另一個真重要e5權利。咱台灣政府有設一個公投審議會根本就是加夯枷e5代誌。民主國家人民行使公投基本權利,無人會tang3剥奪。佇台灣中華民國政府chit號半桶屎民主、才有chit號人民e5奴僕-政府反對人民-in e5主人行使主人e5權利。實在是亂來!

中國hitkoh khah慘,國名叫作中華人民共和國,人民連上蓋基本選為家己服務e5奴僕e5權利都無。In上懸e5民意機構-全國人民代表大會有兩三千名代表,無kah一個是人民選出來e5!全國一級行政區有二二省、四個直轄市、五個自治區、兩個特別行政區;二、三級行政區有十七個地區、二百八十三個地級市、三十個自治州、八個盟、一千四百八十個縣、一百十七個自治縣、三百七十四個縣級市、八百五十二個市轄區、五十三個旗kap兩個特區。有to2一個行政首長(in中國叫作「領導」)是由人民家己選出來e5?無,一個都無。中國hite5領導對「民主」e5看法是:「你是民,我是主。」上無尊重人民e5 就是Chitka7「人民」掛佇國名頂頭e5國家。In ma7 be7堪得看人隔壁e5國家-台灣實施民主制度,intioh8目孔赤、koh火着,咱台灣tehECFA公投,中國警告講按呢會衝擊tioh8兩岸關係。Che那像咱teh食米粉,in佇台灣海峽hit旁喝講:恁台灣若食米粉,會衝擊tioh8兩岸關係。Teh講啥siau2話?

        現此時中國人民連上基本e5選舉權kap罷免權都無,看咱台灣m7但各級行政首長kap議員是民選e5,連國家上懸e5民意代表-立法委員kap總統副總統ma7攏是人民一票一票選出來e5,而且koh會使公投!中國m7但「家己腳後肚無肉怨人大尻川」,koh khah無法度忍受e5是,海峽兩岸通往e5人愈來愈濟,有一工,中國人民「有樣看樣」,若要求beh民選各級政府首長kap民意代表,甚至要求beh選家己e5國家主席,頭殼會疼死!按呢咱tioh8知,一九九六年中國反對台灣民選總統,今年反對台灣舉行公投e5真正原因!
最後更新 ( 2010/06/14, Monday )
 
< 前一個   下一個 >