首頁 arrow 綠色短評 arrow 行政院長講hit號是「美中不足」!

行政院長講hit號是「美中不足」! PDF 列印 E-mail
發表者 李南衡   
2010/07/23, Friday
        六月初九發生e5苗栗大埔事件,美國有線電視新聞網(CNN)歸工二四點鐘報導hit條四分三十四秒e5新聞,hou7全世界二百十二國、超過十億人看了e5印象是:台灣那會變kah chiah呢殘酷、無人性、chiah可憐e5所在?

 

        咱來看CNN chit-e5國際性e5新聞媒體,按怎掌握歸個事件e5重點:農民ka7田看作那命,in用心守護土地,無願意接受徵收,tioh8面對殘酷e5對待。六月初九透早三點外天猶未光,警察就運紅毛土e5拒馬來,ka7 chit-e5莊頭對外e5聯絡道路攏塞死。二十外台怪手駛入teh beh收成e5田中央,用破壞e5方式佇田裡亂挖亂lu,結穗纍纍e5稻仔隨時變作烏有。農民拜託mai3按呢踐踏in e5田園,老農伯抑是抱囝仔e5查某人,攏hou7警察強力押開。(in減講hit早起出動兩百幾個警察,去對付二四戶農民。)農民看tioh8 sui2-sui2 e5田園攏變作lok8-ko5-moai5,有影是beh哭無目屎!CNN koh列出一張圖表,表示佇苗栗縣猶有竹科竹南基地、頭份、竹南、銅鑼工業區,鬥鬥起來有二百九十八公頃徵收了e5農地,到taN猶佇hia拋荒。縣長劉政鴻有當面ka7農民承諾,beh「從優從寛」補償,而且苗栗縣議會ma7有作成決議,ti7猶未kap居民達成共識進前,tioh8暫緩徵收,卻ti7六月初九用整地e5名,大批警察配後之下,ka7怪手開入去m7肯交出權狀e5農民e5田裡,koh講土地所有權是縣政府e5

  CNN koh講,ka7怪手開入去田裡,大埔農地徵收問題是一個縮影,類似e5情形佇台灣逐所在攏有可能發生。In提醒講:農民e5聲音是真微弱,需要koh khah濟人做夥相tin7 kap關心。最後字幕有漢字kap英文對照:願蒼天保佑農民!

  經過一個外月e5七月十七下晡六點,三千外名農民、聲援民眾kap學生,做夥佇總統府頭前靜坐抗議,要求政府重視農民e5需求。總統、行政院長、農委會主委,無kah一個政府官員出來關心in。隔日,行政院長講大埔事件徵收程序無m7-tioh8,「過程中差一屑屑柔性,是美中不足。」

  啥物叫作sui2?拍拚tehe5花,teh beh收成e5稻仔,佇樹草中間飛來飛去e5田嬰蝴蠂,teh學行路e5細漢嬰仔,teh唱歌e5囝仔,咬草teh做巢e5鳥仔,看tioh8攏真sui2。顚倒反,有人teh凌遲細漢囝仔,看tioh8m7甘;有人用竹仔摔sui2花、用腳踢狗仔,看tioh8be7爽;怪手ka7 teh beh成熟e5稻仔毀毀掉,看tioh8真受氣;五六個警察掠一個做田人,看tioh8直直beh流目屎!CNN是按怎ka7 chit-e5大埔事件報hiah久?因為in ma7kah真不平!看kah真艱苦心!看kah直直beh號出來!無sui2,一點仔都無sui2

最後更新 ( 2010/07/23, Friday )
 
< 前一個   下一個 >