首頁 arrow 綠色短評 arrow 歐晉德beh按怎kâng看風水?

歐晉德beh按怎kâng看風水? PDF 列印 E-mail
發表者 李南衡   
2010/09/17, Friday
        台北市議員質疑新生高架橋改善工程中有一寡花樹買了傷貴,亦有貴一、二十倍貴ê,傷離譜啦!台北市政府第一時間出來講,台北新生高改善工程絕對無問題,惹民進黨市議員氣----來,一日piak一案,塑膠管比市價貴十幾倍、鋼筋khōng-ku-lí比行政院公共工程委員會ê相關報價貴三倍,piak kah市議員嘴痠手軟、氣kah beh死!新生高改善工程攏總有一百七十六個工程項目,內底有一百二十項比相關參考單價懸真濟,市議員beh那有hit號性命繼續piak孔?

 

        台北市政府講新生高改善工程是花博。好,你講是花博?民進黨台北市議員精神又kohá差不多一個議員一工piak一案,舞kah李永萍副市長、趙心屏發言人兩位親身上電視談話性節目,李副市長唱聲:siáng若唱衰台北花博,就是無愛台北,無愛台北就是無愛台灣!唱一下民進黨台北市議員koh khah有精神起--來,koh khah拚勢kā piak孔講:tio̍h是愛花博才behbih佇花草內底ê蟲仔!舞kah鬧熱滾滾,台北地檢處才振動,兵分二七路,約談十八個人,頂日khà電話入去「大話新聞」唱聲講家己只不過是「簡單ê疏失 hit-ê維護科長陳智盛收押起來,新工處副處長章立言五十萬交保、限制出境。統派媒體koh開砲彈講台北市長郝龍斌hō͘四人幫包圍,敢講郝龍斌市長是毛澤東?可憐ê花博那像有piak bēê奇談怪事。忽然間,台北市副市長李永萍、秘書任孝琦顧問莊文思請辭獲准。新聞評論講四人幫去了三個,cheteh kā郝市長止血、有人講che是郝市長為tio̍h 選舉teh斷尾求生,講tio̍h郝市長那像是一隻sian-ang-á咧!khah奇怪ê是台北地檢處那會猶未出手偵辦花博一寡怪奇ê代誌。

   

        Chiah緊急ê時刻,郝市長koh拍一個新ê拳步:聘請台北市前副市長歐晉德、名導演賴聲川、財經專長ê立法委員賴世葆、有工具工程kah法律專長ê台灣營建研究院長李咸亨、台北律師公會理事長李家慶等五個人作「花博顧問團」。內khah hông注目ê是歐晉德,伊是馬英九市長時代ê副市長,伊雖然是土木工程師,人講伊辦事能力相當強,擔任副市長期間,馬市長無論拄tio̍h啥物疑難雜症攏會chhoē伊處理,伊攏會tàng圓滿解決,所以才hông稱呼作「永遠ê拍火員」。Chit遍郝市長火燒尻川ah當然會去想tio̍h chit位拍火兄弟。問題是歐晉德現此時是台灣高鐵董事長,台灣高鐵問題----了,家己都舞kah大粒汗細粒汗,beh那有精神kah氣力來chhap花博、作顧問咧?照咱台灣俗語話所講ê:「家己背黃金(hōng-kim)beh kâng看風水。」歐晉德是beh按怎kâng看風水咧!

 

 
< 前一個   下一個 >