首頁 arrow 綠色短評 arrow siáng是劉霞?

siáng是劉霞? PDF 列印 E-mail
發表者 李南衡   
2010/10/15, Friday

十月初八,諾貝爾委員會宣布今年二0一0年諾貝爾和平獎得主是中國民主運動ê鬥士劉曉波。十月十二,中國外交部舉行劉曉波得獎後ê第一遍記者會。外籍媒體記者問中國政府對劉曉波得獎ê立場,發言人馬朝旭講:諾貝爾和平獎頒授hō͘一個當teh服刑ê罪犯,是對中國司法制度ê無尊重。而且che會損害中國kah挪威ê關係。」有記者問講:「劉霞敢hông軟禁?」中國外交部發言人馬朝旭應講:「我m̄-bat你講hit-ê人是siáng」堂堂中國外交部發言人,竟然m̄-bat劉霞是siángmài講離北京一千七百公里外ê台灣人知影,相信全世界關心劉曉波ê千千萬萬人teh關心劉霞ê健康kah安全。若無小小介紹劉霞是siáng,中國外交部發言人那像有可能繼續tèⁿ-khong假戇。

轉去北京以後,伊佇窗仔內看tio̍h挪威駐中國大使一行幾個人佇門外,知影劉霞是siáng ê北京治安人員kā in擋佇門外了後koh kā in趕離開;伊ê親人朋友攏無法度來看伊,伊只好拍電話出去ê老母大聲喝講:「媽,我hông軟禁ah lah!」hit-ê beh háu無目屎ê查某子就是劉霞。
一九九六年kah劉曉波結婚無幾工,伊ê翁婿就hông掠去勞動教養三年,結婚了就守空房hit- ê新娘仔就是劉霞;也就是劉曉波所講:「二十年來,支持我、͘我力量」hit-ê劉霞;也就是有講:「雖然我kah翁婿深深知影起草kah簽署0八憲章可能帶來ê後果,但是伊hông掠去關,猶原阮兩人帶來極大ê痛苦。真早以前阮兩人就參詳決定無beh生囡仔,無管是查甫囡仔抑是查某囡仔,老父hông掠去關佇監獄,無論按怎講對囡仔是一件誠殘酷ê代誌。」講chiah-ê hôngtio̍h會心酸ê話、不得已放棄作媽媽、bē-tàng作媽媽hit- ê人就是劉霞。 知影劉曉波得tio̍h諾貝爾和平獎,想beh趕緊拚去遼寧錦州監獄看伊ê翁婿講伊得獎ê消息,自按呢就失踨兩工,事後才知影已經͘警方載去監獄見過翁婿。伊啥物時陣見tio̍h翁婿劉曉波、見偌久?伊完全知。因為伊ê手表暫時͘警方沒收保管、警方koh「無仔細」ê手機仔摔歹去,害伊無法度kah任何人連絡、完全知時間。干單會記得伊ê翁婿劉曉波講伊真歡喜得獎,伊beh kā chit-ê獎獻六四事件ê亡魂,而且認為應該得獎ê是「天安門母親」。
  有外國記者拍電話問劉霞,敢有拍算beh出國去替伊ê翁婿劉曉波領獎?劉霞應講:「連大門都踏出去,是beh按怎出國咧?」
中國外交部發言人馬朝旭先生,我你講,伊ê翁婿劉曉波得tio̍諾貝爾和平獎、現此時猶恁關佇監獄,伊本人恁軟,hit-ê查某人就是劉霞。
 
最後更新 ( 2010/10/15, Friday )
 
< 前一個   下一個 >