首頁 arrow 綠色短評 arrow 王毅kā馬英九搧嘴phoé!

王毅kā馬英九搧嘴phoé! PDF Print E-mail
Written by 李南衡   
Friday, 22 October 2010

        王毅是啥物人,chiah好膽敢台灣總統馬英九搧嘴phoé?報你知,王毅是中國國務院台灣事務辦公室(簡稱國台辦)kah中國共產黨中央委員會台灣工作辦公室(簡稱中台辦)兩個機構ê主任,是中國kah中共負責處理台灣事務上蓋大粒ê官員。

       

        王毅是按怎馬英九搧嘴phoé?十月十九美聯社報導專訪馬英九總統,馬總統講伊若連任,兩岸政治對話上緊可能會第二個四年任期內開始。因為關係

tio̍h「兩岸政治對話ê時間表」chit-ê敏感議題,第二工馬總統緊澄清講美聯社ê報導有小可出入,強調講伊「完全kah政治問題ê討論kah所謂第二任連結做夥。」也就是講佇解決所有經濟問題了後,tio̍h beh kah大陸展開政治對話。雖然是按呢,中國猶原伊接受國際媒體訪問所講ê話,看作是馬總統一心一意急beh kah中國進行政治議題ê討論。第二工,美國時間十月十九,去美國訪問ê王毅佇美國紐約地區向華僑發表演講,題目是「兩岸關係穩定發展面臨ê問題是啥物?」伊利用機會馬英九搧嘴phoé。伊講:兩岸關係ê發展,khah 緊一絲仔、ákhah慢一下攏是正常ê,無必要人為ê干預á是改變,關鍵猶原是謀求kah保持穩定發展。伊koh講,雖然做法是先做簡單、好做ê、後做困難、歹做ê,其實「是易中有難;雖然是講先經後政,實際上是經中有政。」王毅搧馬英九嘴phoé搧一聲大大聲。台灣kah中國所進行ê交流談判活動,並是馬總統所講ê先經後政,mā m̄是照馬總統所講ê等伊第二任連任,經濟舞了就beh來談政治議題lah!親像講「ECFA」(會koh hoa),馬總統直直講he是經濟,王毅馬英九搧嘴phoé講:無hit號啥物經濟,當然是有政治藏佇內底,你那會hiah呢戇講啥物經濟舞了才beh來談政治議題!馬英九講第二任總統若連任,tio̍h beh來談政治議題,王毅koh kā馬英九搧一個嘴phoé講:「無必要人為ê干預á是改變!」用腳頭u知影意思是tang時仔beh談政治,那是你馬英九講ê準算?民主政治kah獨裁政治是beh按怎談?中國beh安幾粒飛彈向台灣、今年增加到一千四百外粒是阮中國ê代誌,那是kah你談談一下來決定tang時仔beh撤除?戇想!

        王毅那會敢馬總統搧嘴phoé?一個民調支持率才三十八葩êkah人講啥物第二任總統連任?老實講現此時中國頭人看馬英九phú-phú仔,才敢搧嘴phoé;而且看民進黨最近那像勢面bē-bái有想beh派人kah民進黨接觸。你馬英九koh m̄敢大聲講台灣behkah中國統一。你搧一個嘴phoé看你猶koh gām-gām,加搧一個看你會精神清醒起來á-bē

 
< Prev   Next >