八月二一，中國國民黨台北市議員徐巧芯一再砲轟民進黨台北市長參選人、前衛福部長陳時中無公佈疫苗採購內容。伊佇面冊頂面表示，前幾工才講陳時中的「公開透明」是一個笑話，無幾工tio̍h piak出伊的疫苗採購價格竟然列作「機密」tio̍h封存30年，到解密的時陳時中已經beh 100歲ah。徐巧芯議員講日本政府財務省今年四月tio̍h已經公布，疫苗採購kah包括配送到全境等費用，平均一劑約新台幣622元，藥廠、總費用攏十分清楚，而且鴻海創辦人郭台銘採購BNT mā有公開價格，干單陳時中講保密30年。
台北市副市長、chit遍台北市長參選人黃珊珊mā認為，除了日本公開以外，鴻海創辦人郭台銘mā講過用偌濟錢，台北市政府舊年編列28億beh買疫苗採購預算mā有詢價，顯示價錢並m̄是機密，唱民進黨台北市長參選人陳時中「用偌濟錢kā人民講有chiah呢困難嗎？」
Hông供体（keng-thé）是chit遍台北市長第四位參選人、身兼民眾黨主席的台北市長柯文哲，佇高雄接受訪問的時大大酸陳時中講「買hiah濟疫苗，簽約以後tio̍h bē使公開，到底有啥物bē見得眾的代誌嗎？」
八月二一，針對台北市議員徐巧芯的質疑，陳時中講「議員批評tio̍h愛根據事實」，全世界m̄是干單日本一個國家，台灣、日本公布的是仝款，用偌濟錢、進偌濟疫苗等，包含運費、冷鏈倉儲的物流開銷等。陳時中接落去講，早前佇立法院、審計單位攏有報告歸筆疫苗採購的開銷，鴻海mā是歸筆，bē使講出單價、一定tio̍h閃開。
講包括柯文哲醫師在內in chiah-ê人無知，是in m知影藥品kah疫苗單價是非常嚴格的商業秘密。政府干單會使講攏總開偌濟錢，絕對bē使講出單價。
民進黨台北市議員參選人「口譯哥」趙怡翔Tiō Yî-siông表示，比利時tī 2020年十二月十八公開疫苗價格引起爭議，財政部長Te Pulekhoh（De Bleeker）女士無注意佇“Twitter”發文寫出歐盟買的各種疫苗的單價了後，發現m̄-tio̍h隨時刪除掉緊會失禮，但是輝瑞（BNT）等藥廠猶原m̄放伊煞、大罵一頓。因為按呢是違反商務合約的行為，甚至「可能會傷害tio̍h家己的政府」。趙怡翔Tiō Yî-siông強調，公開政府採購合約是理想，但是佇現實世界面臨商業機密的時，政府永遠kā人民健康囥佇第一位，是負責任政府應該做的。beh公開疫苗單價真簡單，但是政府信用會完全拍歹，beh koh買疫苗恐驚有困難，
按呢，咱tio̍h知影，無知，koh-heh罵人，實在可惡！